हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले अवैद्य संरचना भत्काउने काठमाडौं महानगरको अभियानमा सघाउन सबैलाई आग्रह गरेका छन् ।

अध्यक्ष थापाले यस्तो कार्यले तत्कालका लागि केही असुविधा भएपनि यसले दीर्घकालमा सबैलाई फाइदा हुने बताउँदै सहयोग गर्न आग्रह गरेका हुन् ।

‘अवैध संरचना भत्काउने र देशको राजधानी काठमाण्डौलाई सफा सुन्दर र स्वच्छ बनाउने मेयर बालेन शाहको प्रयास प्रशंसनीय छ। तत्काल केही असुविधा भएपनि यसले दीर्घकालमा सबैलाई फाइदा हुन्छ । यस कार्यमा सबैले सहयोग गरौं ।’ उनले भनेका छन् ।

काठमाडौं महानगरपालिकाका मेयर बालेन्द्र साहले मंगलबारदेखि काठमाडौंका विभिन्न क्षेत्रमा बनाइएका अवैद्य संरचना भत्काउने अभियानमा लागेका छन् । मेयर बालेनले यसकार्यबाट भाडावालमा पर्न गएको असुविधाप्रति दुःख व्यक्त गर्दै घरधनीबाट क्षतिपूर्ति दिलाउन सहयोग गर्ने समेत बताएका छन् ।