Sansar News
काठमाडौं । संचारकर्मी रवि लामिछाने नेतृत्वको राष्ट्रिय स्वतन्त्र पार्टीले शनिबार उपत्यका व्यापी भेला आयोजना गर्ने भएको छ ।
लामिछानले शनिबार दिउँसो १ बजे काठमाडौंको खुला मन्चमा काठमाडौं, ललितपुर र भक्तपुर तिनैजिल्लाको उपत्यका भेला खुलामन्चमा आयोजना गर्न लागेको बताएका छन् ।
‘आउँदो शनिबार दिउँसो १ बजे काठमाडौको खुल्लामञ्चमा उपत्यका भेला हुदैछ । यो कार्यक्रम खुल्ला मञ्चमै राख्नुको राजनीतिक अर्थ छ । यसबारे खुल्ला मञ्चबाट खुलेर बताउँला । भदौ ११, शनिबार दिउँसो १ बजे भेटौं है ।’ लामिछानेले भनेका छन् ।
गत असार ७ गते राष्ट्रिय सभागृहबाट राष्ट्रिय स्वतन्त्र पार्टीको घोषणा गरेका लामिछानेले यसअघि कर्णाली प्रदेश, प्रदेश १ का विभिन्न जिल्ला, बागमती प्रदेशका नुवाकोट लगायतका जिल्ला भेला सम्पन्न गर्दै आएको छ ।
सो पार्टीले प्रदेश संरचना गठन गर्ने क्रममा गण्डकी प्रदेशको सभापतिमा ढाकाराम श्रेष्ठ र कास्की जिल्ला समितिको सभापति विष्णु गुरुङ एकतालाई चयन गरेको छ ।
सो पार्टीले मंसिर ४ गते हुने प्रदेशसभा निर्वाचनमा आफ्नो फार्टीले उम्मेदवारी नदिने बताउँदै आएको छ भने संघमा भने निर्वाचनको तयारीमा जुटेको जनाएको छ ।
वि.सं.२०७९ भदौ ९ बिहीवार १०:५९ मा प्रकाशित
