Sansar News
काठमाडौं । नेपाली राष्ट्रिय फुटबल टिमका कप्तान एवं गोलकिपर किरणकुमार चेम्जोङ बिबाह बन्धनमा बाधिएका छन् ।
लिम्बुले आफ्नी प्रेमिका कन्चन निरौलासँग आज बिबाह बन्धनमा बाँधिन लागेका हुन् ।
बालुवाटारस्थित सिल्भर ओक पार्टी प्यालेसमा साथी भाइ र परिवारको उपस्थितमा उनले निरौलासँग बिवाह गर्न लागेका हुन् । उनीहरुले सोमबार मेहन्दी रश्म गरेका तस्बिरहरु सार्वजनिक गरेका थिए ।
किरणले गत असार २१ गते मालदिभ्समा निरौलालाई प्रेम प्रस्ताव राखेका थिए । मालदिभ्सको धिवेही प्रिमियर लिगको उपाधि जिते लगत्तै साथीहरुले खुसीयाली मनाइरहँदा किरणले आफ्नी प्रेमिकालाई साथीहरुको बीचमा राखेर औठी लगाइदिँदै प्रेम प्रस्ताव राखेका थिए ।
पेशाले एयरहोस्टेज रहेकी निरौलालाई प्रेम प्रस्ताव राखेपछि उनीहरुले केही साता मालदिभ्समै बिदा मनाएका थिए । उक्त अवसरमा दुवैका आमा पनि साथमै रहेका थिए ।
वि.सं.२०७९ भदौ १५ बुधवार १२:३५ मा प्रकाशित
