हामी सबैकाे संसारन्यूज

काठमाडौं । नेपालमा डेंगु संक्रमणका कारण हालसम्म ३६ जनाले ज्यान गुमाइसकेका छन् ।
साउनदेखि यता सुरु भएको डेंगु संक्रमणका कारण विभिन्न जिल्लामा ३६ जनाले ज्यान गुमाइसकेका छन् भने २७ हजार बढी संक्रमित भएका छन् ।

स्वास्थ्य तथा जनसंख्या मन्त्रालयका अनुसार हाल ७६ जिल्लामा फैलिएको डेंगुका कारण २७ हजार ५६९ जना संक्रमित भएका छन् ।
डेंगुका सबैभन्दा बढी संक्रमित बागमती प्रदेशमा रहेका छन् । मन्त्रालयको विवरण अनुसार बागमती प्रदेशमा मात्र २१ हजार ५८९ जना संक्रमित भएका छन् ।

त्यसैगरी लुम्बिनी प्रदेशमा ३०५०, सुदूरपश्चिम प्रदेशमा ८२१, प्रदेश १ मा ८१५, गण्डकी प्रदेशमा ६५३, मधेश प्रदेशमा ४०५ र कर्णाली प्रदेशमा २३६ जना संक्रमित भएको मन्त्रालयद्धारा जारी विवरणमा उल्लेखछ ।