Sansar News
काठमाडौं । नेपालमा थप ४४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको २ हजार २२२ नमुना परीक्षणमा ४४ जनामा मात्र संक्रमण पुष्टि भएको छ । आज थपिएका सँगै नेपालमा हालसम्म संक्रमित हुनेको संख्या ९ लाख ९९ हजार ९४६ पुगेको छ ।
त्यसैगरी आज २९ जना कोरोनाबाट मुक्त भएसँगै हालसम्म ९ लाख ८७ हजार ३५३ जना कोरोना संक्रमणबाट मुक्त भएका छन् ।
त्यस्तै नेपालमा हाल कोरोनाका सक्रिय संक्रमितको संख्या ५७५ रहेको छ । नेपालमा हालसम्म १२ हजार १८ जनाले कोरोनाका कारण ज्यान गुमाएका छन् ।
वि.सं.२०७९ असोज २५ मंगलवार १६:५७ मा प्रकाशित
