हामी सबैकाे संसारन्यूज

पवन बुढाथोकी, काठमाडौँ
१
तलका विपन्न देखाएर माथि जानेहरू नै धेरै भए
अरुको नाम लिदै आफै त्यहाँ खानेहरू नै धेरै भए
गरिब छैनौँ हामी गरिबी सृजना गरिएको हो बुझ्नोस्
यो गर्छु र त्यो गर्छु भन्दै बटुलेर लानेहरू नै धेरै भए ।

२
हैन भने शाषक र जनतामा नै किन ज्यादै ठुलो फरक देखिन्छ
नेता चैँ ठुला र सम्पन्न छन सामान्यको अवस्था नरक देखिन्छ
विश्वका राम्रा देश जस्तै हाम्रा पनि स्थिति बराबर कहिले हुने ?
चारैतिर सामाजिक न्याय हैन है भ्रष्टाचारको नै हरक देखिन्छ !

३
सुन्दरतालाई देख्नासाथ बटुलेर राख्न मन लाग्छ
मिठा मिठा गन्ध र स्वाद नछुटाई चाख्न मन लाग्छ
फोहर र कसिंगर नजिक नआओस भनेर सतर्क भै
सौन्दर्ययुक्त बिचार र भावना मात्र ताक्न मन लाग्छ ।

४
आफ्नोमा त जो आए नि भैदिए आफु मात्रै निल्ने
कस्ले त्यस्तो काम गर्यो र सबैजनालाई नै मिल्ने
जो आए नि बिकासगर्ने हैन भएको पनि भत्काउने
अनि सबैको लागि कहिले सम्ब्रृद्धिको फूल खिल्ने ।

५
भरोसा गर्ने ठाँउनै विवादमा परे पछि यहाँ के नै गर्नि
जुनसुकै आए पनि जोगि भएर आफ्नै कमन्डलु नै भर्नि
आशा एवं बिश्वासमा ज्यादै ठुलो तुषारापात भएपछि
के पो बाँकी रहला र हजम पारे पछि यहाँको नै चर्नि ।