Sansar News
श्रीकृष्ण शर्मा, पोखरा
१
थियौ असल
संस्कृतिको दियो हौ
मिठो फसल ।
२
कीर्ति प्रबल
वाङ्मय हुन् पुरुष
तारा उज्वल ।
३
तिम्रो पौरख
भाषा धर्म संस्कृति
थियौ गौरव ।
४
गयौ छोडेर
नेपालीका मनमा
बस्छौ रमेर ।
५
जड शरीर
ढल्यो तर मनमा
बस्छौ के पिर ।
६
इच्छा छ हाम्रो
बास रहोस् स्वर्गमा
नहोस् नराम्रो ।
७
तारा अस्तायो
संस्कृतिको आकाश
कालो बनायो ।
८
गोर्खा कुदल
मत्थर भो आतङ्क
रक्षा मण्डल ।
९
सत्य मोहन
साहित्यमा अटल
राख्यौ त्यो मन ।
१०
घुम्छौँ वनमा
तिम्रै कर्म कला छन्
हाम्रा मनमा ।
शताब्दी वाङ्मय पुरुष स्व.सत्यमोहन जोशी प्रति समर्पित
वि.सं.२०७९ पुस २ शनिवार ०८:३३ मा प्रकाशित
