हामी सबैकाे संसारन्यूज

अनिल भण्डारी उदाश,मंगलसेन, अछाम

१
सायद गरेरै होला मेरो हेला आइरहन्छ
हेर्न फुटेका पैतला र हत्केला आइरहन्छ
बिर्सिने फर्की नआउने त्यै सुखले मात्र हो
यो दुःख अभाव त बेलाबेला आइरहन्छ

२
पिडाको गोदाममा ताल्चा लगाउनु पर्छ
आफ्नो मनलाई आफैले सम्झाउनु पर्छ
दुश्मनलाई जलाउनकै लागि भए पनि
ओठमा भने झुटो मुस्कान देखाउनु पर्छ

३
अलपत्र पारेर मलाई दुर गएकी मान्छे
लाखौं सपना सजाई दुर गएकी मान्छे
अझ फेरि कल गरेर हैरान् बनाउछे यार
अर्काको सिंदुर लगाई दुर गएकी मान्छे

४
यो मन दुखाई दुखाई दिनैपर्छ होला
खुसीको ढोका लगाई दिनैपर्छ होला
सधै सताउन सफल भईस ए जिन्दगी
अब मैले तलाई बधाई दिनैपर्छ होला

५
बेलाबेला दुःख सुख साट्ने पनि हुनुपर्छ
बार्ता गर्दै दिमाक चाट्ने पनि हुनु पर्छ
माया मात्र दिए हामी बिग्रन बेर लाग्दैन
साथी भनेका कुरा काट्ने पनि हुनुपर्छ