Sansar News
काठमाडौं । मन्त्रालय बाँडफाँटलगायतका विषयमा सहमति जुटाउन सत्तारुढ गठबन्धनको बैठक संसद् भवन बानेश्वरमा शुरू भएको छ ।
संसद भवनमा जारी बैठकमा सत्ता गठबन्धनका बैठकमा नवनियुक्त प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओली, राष्ट्रिय स्वतन्त्र पार्टीका सभापति रवि लामिछाने, राप्रपा अध्यक्ष राजेन्द्र लिङ्देन, नेपाल समाजवादी पार्टीका अध्यक्ष डा। बाबुराम भट्टराईलगायत सहभागी छन् ।
प्रधानमन्त्रीमा सहमति जुटेपनि अन्य विषयमा छलफल हुन सकेको थिएन । बैठकले सपथ अघि नै कुन दलले कुन मन्त्रालय पाउने भन्ने टुंगो लगाउने छ ।
सरकार निर्माणमा सहभागि राप्रपाले भने सरकारमा नजाने निर्णय गरेको छ । राप्रपाका अध्यक्ष लिङ्देनले पत्रकारसँगको कुराकानीमा मन्त्रालय भागवण्डाको विषयमा आफुहरु नरहेको बताएका थिए ।
जसअनुसार अब एमाले, माओवादी केन्द्र, रास्वपालगायतका बीच भागवण्डा हुनेछ ।
वि.सं.२०७९ पुस ११ सोमवार १३:१४ मा प्रकाशित
