हामी सबैकाे संसारन्यूज

काठमाडौं । नेपाल राष्ट्र बैंकले चालू पूँजी कर्जा मार्गदर्शन संशोधन गरेको छ । राष्ट्र बैंकले बुधबार भर्चुअल पत्रकार सम्मेलन गर्दै मार्गदर्शन संशोधन भएको जनाएको हो ।

राष्ट्र बकैंले सीमाभन्दा बढी कर्जा लिएका व्यवसायीहरुले २०८२ असारसम्म पाँचवटा किस्तामा कर्जा भुक्तानी गर्न सक्ने गरी मार्गदर्शन संशोधन गरेको छ । यो व्यवस्था कर्जाको पुनर्संरचना र पुनर्तालिकीकरण भने नहुने राष्ट्र बैंकले जनाएको छ ।

संशोधित मर्गदर्शनअनुसार १ करोडभन्दा तलको चालू पूँजी कर्जाको हकमा मार्गदर्शन लागू हुँदैन । त्यस्तै २ करोडभन्दा माथिका कर्जाको हकमा मागर्दशन लागू हुने व्यवस्था गरिएको छ ।

राष्ट्र बैंकको नयाँ व्यवस्था तत्कालै भने लागु हुनेछैन । तोकेको सीमाभन्दा बढी कर्जा लिएकाले २०८० असारसम्म १० प्रतिशत भुक्तानी गरिसक्नुपर्ने जनाइएको छ । त्यसपछि हरेक ६/६ महिनामा २०/२० प्रतिशत किस्ता तिर्नुपर्छ। अन्तिम किस्तामा ऋणीहरुले ३० प्रतिशत किस्ता भुक्तानी गर्नुपर्ने संशोधित प्रावधान छ।

बुधबार मात्रै प्रधानमन्त्री पुष्पकमल दाहाल प्रचण्डले अर्थमन्त्री विष्णु पौडेल र गर्भनर महाप्रसाद अधिकारीसँग छलफल गरेका थिए । प्रधानमन्त्रीले व्यवसायीले उठाएका मागलाई सम्बोधन गर्नेगरी मौद्रिक नीतिलाई संशोधन गर्न निर्देशन गरेका थिए ।

यस्तो छ संशोधनको पूर्णंपाठ