Sansar News
काठमाडौं । सत्ता गठबन्धन दलका शिर्ष नेताहरुको बालुवाटारमा छलफल सुरु भएको छ ।
प्रधानमन्त्री निवास बालुवाटारमा नेकपा एमालेका अध्यक्ष केपी शर्मा ओली, राष्ट्रिय स्वतन्त्र पार्टीका अध्यक्ष रवि लामिछाने, राष्ट्रिय प्रजातन्त्र पार्टीका अध्यक्ष राजेन्द्र लिङ्देन र जनता समाजवादी पार्टीका अध्यक्ष उपेन्द्र यादवबीच छलफल सुरु भएको प्रधानमन्त्रीका स्वकीय सचिव रमेश मल्लले जानकारी दिएका छन् ।
पुस १० गते नेकपा माओवादी केन्द्रका अध्यक्ष पुष्पकमल दाहाल प्रचण्ड नेकपा एमालेसहित ७ दलको समर्थनमा प्रधानमन्त्रीमा नियुक्त भएका प्रचण्डले पुस २६ गते विश्वासको मत लिने तयारीमा रहेका बेला शिर्षनेताहरु छलफलमा जुटेका हुन् ।
प्रधानमन्त्री प्रचण्डले आज एकिकृत समाजवादीका अध्यक्ष माधव कुमार नेपालसँगको सिंहदरबारमा भएको भेटमा पनि आफुलाई विश्वासको मत दिन आग्रह गरेका थिए । अध्यक्ष नेपालले यस विषयमा पार्टीभित्र छलफल गरेर निर्णय गर्ने बताएका थिए ।
यसैबीच नेकपा एमाले र रास्वपाले प्रचण्डलाई समर्थन गर्दै सरकारमा मन्त्रीहरु समेत पठाइसकेको छ भने जसपाले भने सरकारमा जाने/नजाने विषयमा निर्णय गर्न सकेको छैन ।
वि.सं.२०७९ पुस २० बुधवार १७:३७ मा प्रकाशित
