हामी सबैकाे संसारन्यूज

काठमाडौं । कोरोना महामारीपछि अमेरिकामा मुटु रोगबाट मृत्यु हुनेको संख्या बढेको छ । एक अध्ययनका अनुसार कोरोना महामारीको एक वर्षपछि मुटु रोगबाट मृत्यु हुनेको संख्या ६.२ प्रतिशतले बढेको हो ।

यो अध्ययन अमेरिकन हार्ट एसोसिएसनले गरेको हो । अध्ययनमा सन् २०२० मा हृदयाघात (हृदय रोग)बाट मृत्यु हुनेको संख्या ९ लाख २८ हजार ७४१ रहेको र सन् २०१९ मा यो संख्या ८ लाख ७४ हजार ६१३ रहेको बताइएको छ । यो सन् २०१५ यताकै सबैभन्दा ठूलो वृद्धि हो ।

यसअघि सन् २००३ मा मुटुरोगका कारण अमेरिकामा ९ लाख १० हजार मानिसको मृत्यु भएको थियो, त्यसपछि सन् २०२० मा मात्रै मुटुरोगका कारण सबैभन्दा बढी मानिसको मृत्यु भएको थियो । यो अध्ययन जर्नल सर्कुलेशनमा प्रकाशित छ ।

अध्ययनमा संलग्न हार्वर्ड मेडिकल स्कुलका सहायक प्राध्यापक कोनी डब्ल्यू सोले बताएअनुसार मुटु रोगका कारण मृत्यु हुनेको संख्या मात्रै होइन उमेरसँग सम्बन्धित मृत्युदर पनि ४.६ प्रतिशतले बढेको छ ।

अध्ययनअनुसार कोरोना संक्रमणले प्रत्यक्ष र अप्रत्यक्ष रुपमा मानिसको मुटुमा असर गरेको छ । भाइरसको प्रभावका कारण शरीरमा क्लोटिङ र इन्फेक्सनको समस्या बढेको पाइएको छ । एजेन्सीबाट