Sansar News
काठमाडौं । नेकपा माओवादी केन्द्रले पूर्व सभामुख अग्नि सापकोटालाई उपाध्यक्षमा चयन गरेको छ ।
सो पार्टीको बुधबार जारी सर्कुलर अनुसार सापकोटालाई उपाध्यक्ष बनाएसँगै यसअघि उपमहासचिव रहेकी नेतृ पम्फा भुसाललाई पनि उपाध्यक्षमा बढुवा गरेको हो ।
माओवादी केन्द्रको यसअघि बसेको स्थायी समिति बैठकमा सापकोटा र भुसाललाई उपाध्यक्ष बनाउने निर्णय भएपनि बुधबार सर्कुदलर जारी गरेको माओवादी कार्यालय सचिव श्रीराम ढकालले जानकारी दिएका छन् ।
यसअघि नारायणकाजी श्रेष्ठ वरिष्ठ उपाध्यक्ष र कृष्णबहादुर महरा उपाध्यक्ष थिए भने सभामुख रहेका कारण सापकोटा पार्टीको कुनैपनि जिम्मेवारीमा थिएनन् । साथै वरिष्ठ उपाध्यक्ष श्रेष्ठ हाल उपप्रधान एवं भौतिक पूर्वाधार तथा यातायातमन्त्री रहेका छन् ।
सापकोटा उपाध्यक्षमा चयन भएसँगै माओवादी केन्द्रको पदाधिकारीको संख्या २२ पुगेको छ । साथै माओवादी केन्द्रले केही बैकल्पिक केन्द्रीय सदस्यहरु समेत थप गरेको बताएको छ ।
वि.सं.२०७९ माघ २६ बिहीवार ०७:१३ मा प्रकाशित
