हामी सबैकाे संसारन्यूज

काठमाडौं । खल्तीले प्रयोगकर्ताहरूका लागि आफ्नो फ्ल्यागशिप अफर फेरि लिएर आएको छ । जसमा खल्तीमार्फत उडान टिकट बुक गरी बम्पर पुरस्कारको रूपमा वनप्लस ११ स्मार्टफोन जित्ने मौका पाउनेछन् । साथै, प्रत्येक दिन एक भाग्यशाली विजेताले फ्लाइट टिकट खरिदमा मात्र १ रुपैयाँमा उडान टिकट प्राप्त गर्नेछन् ।

फाल्गुन १ देखि चैत्र १५ सम्म, ४५ दिनसम्म चल्ने यो अफरले प्रयोगकर्तालाई आफ्नो उडान टिकटमा बचत गर्ने अवसर प्रदान गर्नुका साथै १,३४,९९९ मूल्यको नयाँ वनप्लस ११ जित्ने अवसर पनि प्राप्त गर्नेछ ।

वनप्लस ११ हालै मात्र नेपालमा उपलब्ध भएको छ । खल्तीका सबै प्रयोगकर्ताहरूले खल्ती एप मार्फत आफ्नो उडान टिकट बुक गरी प्रयोगकर्ताहरु दैनिक १ रुपैयाँमा हुने उडानको लक्की ड्र र वानप्लस ११ को बम्पर पुरस्कारका लागि योग्य हुने खल्तीले जनाएको छ । दैनिक उडान टिकटको विजेता घोषणा खल्तीको फेसबुक पेज र ब्लगमा गरिनेछ भने बम्पर पुरस्कारको विजेता घोषणा खल्ती फेसबुक पेजमा फेसबुक लाइभ मार्फत गरिनेछ ।

यस अफरको बारेमा खल्तीका प्रमुख कार्यकारी अधिकृत विनय खड्काले भने ‘यो फ्ल्यागशिप अफर विगतमा पनि हाम्रो सबैभन्दा ठूलो सफलता रहेको हुँदा हाम्रा सबै प्रयोगकर्ताहरूका लागि यो अफर फेरि लिएर आएका छौं । अफरसँगै प्रयोगकर्ताले खल्तीबाट फ्लाइट टिकट बुकिङ गर्दाको सहजता अनुभव गर्ने अपेक्षा राख्दछौं ।’