हामी सबैकाे संसारन्यूज

विजय थापा । बिश्वकै सम्राट राज्य न्यूयोर्कमा हुदै आएको मिस नेपाल नर्थ अमेरिका(उत्तर अमेरिका नेपाल सुन्दरी) २०२३ को आवेदन खुला गरिएको छ ।

फेब्रेअरी २८ देखि खुलेको उक्त आवेदन आवेदन(एप्लिकेसन) दिने अन्तिम मिति मे ३१ सम्म रहनेछ ।

मिस नेपाल नर्थ अमेरिका सुरु भएदेखि नै हरेक बर्ष अगस्त महिनामा हुदै आए पनि यसबर्ष जुलाई महिनामा हुने र जुलाई २२ का दिन समापन समारोह अर्थात् ग्रान्ड फिनाले हुने आयोजकले जानकारी दिएका छन् ।

बिगतका बर्ष झैँ यसबर्ष पनि न्यूयोर्ककै प्रसिद्ध मेलरोज बलरुम मै शनिबारका दिन हुने आयोजक संस्थाका संस्थापक सैलेश श्रेष्ठले जानकारी दिए । “अर्को पुस्तालाई सशक्तिकरण गर्न नेपाली महिलाहरूलाई सशक्तिकरण“ भन्ने मूल नारा दिइएको छ । यो प्रतियोगीताको आयोजना ड्रिम्स युनिभर्सलले गर्नेछ ।

मिस नेपाल नर्थ अमेरिका (एमएनएनए) ले नेपाली महिलाहरूलाई आफ्नो महत्वाकांक्षा साकार पार्न, आत्मसम्मान बढाउन र रोल मोडेल (अनुकरणीय व्यक्ति) बन्न मञ्च प्रदान गर्दछ । हाम्रो लक्ष्य तपाईहरुलाई भविष्यको सफलताको लागि अवसर प्रदान गर्नु हो भनि बिज्ञप्तिमा उल्लेख गरेको छ ।

‘हामी मिस नेपाल नर्थ अमेरिका २०२३ को लागि आजदेखि मे ३१, २०२३ सम्म आवेदनहरू स्वीकार गर्दैछौं ।’आयोजकद्धारा जारी विज्ञप्तिमा भनिएको छ ।

कर्यक्रमप्रति कुनै जिज्ञाशा भएमा आयोजकसंग सम्पर्क गर्न समेत आह्वान गरिएको छ । साथै आयोजक टोलीले यस कार्यक्रमलाई सफल बनाउनको लागि हरेक दिन कडा मेहनत गरिरहेको जनाएका छन् ।

आयोजकले थप जानकारी हरू, विजेताहरूका पुरस्कार तथा अन्य विवरणहरू क्रमसै जानकारी गराईने जनाएको छ ।
स्मरण रहोस् गत बर्ष न्यूयोर्कमा सम्पन्न भएको मिस नेपाल नर्थ अमेरिका २०२२ मा प्रतियुशा बोहरा बिजेता बनेकी थिइन् ।
न्यूयोर्कको क्विन्समा भएको प्रतियोगितामा उनले १४ जना प्रतिस्पर्धीहरुलाई उछिन्दै मिस नेपाल नर्थ अमेरिका २०२२ को बाजी मारेकी थिइन् ।

मिस नेपाल नर्थ अमेरिका २०२२ मा पूर्व नेपाल सुन्दरी सदीक्षा श्रेष्ठ आधिकारिक मुख्य कोरियोग्राफर रहेकी थिइन् भने निशा पाठक तथा साहना बज्राचार्यद्वय कार्यक्रम प्रस्तोता रहेका थिए । मिस नेपाल नर्थ अमेरिका २०२२ मा नेपाल सुन्दरी प्रियंका रानी जोशीको पनि उपस्थिति रहेको थियो ।