Sansar News
कृष्णप्रसाद गौतम, इटहरी, सुनसरी
१.
म हाँस्दा उनी रोइन् भने
सहयात्राको के अर्थ भयो र
आँसुले दुख धोइन् भने
२.
धर्ममा नारी र पुरुष हुँदैन
निशिमा उज्यालो किन हुन्छ भन्नु
विभेदमा कुनै पौरुष हुँदैन
३.
नारामा नखोज व्यवहारमा
मानवता रुवाउँछ, कसरी भन्नू मान्छे
तेल नहालिदेऊ अत्याचारमा
४.
मुक्तिको बाटो स्वयम् खोज्नुपर्छ
दासतामा उपहार पाइन्न दयाको
समर्पण होइन सत्व रोज्नुपर्छ
५.
आफूलाईमात्र नसम्झ बलवान् दाइ
संवेदना त एकै हुन्छ छोरा र छोरीमा
भन,तिमीमात्रै मान्छे हौ तालेवान दाइ ?
वि.सं.२०७९ चैत ४ शनिवार ०८:४६ मा प्रकाशित
