हामी सबैकाे संसारन्यूज

काठमाडौं । निरन्तर पहिराेका बीच सेयर बजार १८ सयकाे बिन्दुमा झरेकाे छ । साताको पहिलो कारोबार दिन आइतबार दाेहाेराे अंकले घट्दै १८ सयकाे बिन्दुमा झरेकाे हाे । आइतबार बजार २६.८७ अंकले घटेर सेयर बजार १८८८.२७ विन्दुमा झरेको छ ।

दोहोरो अंकको गिरावट आएको सेयर बजारमा काराेबार रकमसमेत खुम्चिएको छ । आइतबार कारोबार रकम १ अर्ब २८ करोड ९३ लाख ७१ हजार ५३१ रुपैयाँको भएको छ । गत बिहीबार भने १ अर्ब ४१ करोड ३२ लाखको कारोबार भएको थियो ।

आइतबार सबै उपसूचकको मूल्यमा गिरावट आएको छ । म्युचुअल फण्ड र लघुवित्तका लगानीकर्ताले सबैभन्दा धेरै गुमाए ।

घट्दो बजारमा पनि आइतबार माया खोला हाइड्रो र एसियन हाइड्रोको मूल्य भने सकारात्मक सर्किट लेवलमा बढेको छ । कालिञ्चोक दर्शन प्रालिको समेत मूल्य धेरैले बढ्यो ।

जीवन विकास लघुवित्त, जाल्पा सामुदायिक लघुवित्त, युनिक नेपाल लघुवित्त र महिला लघुवित्तको सेयर मूल्य नकारात्मक सर्किट लेवलमा घटेको छ ।

आइतबार रकमका आधारमा हिमालयन डिष्ट्रिलरी, एनआइसी एसिया, नेस्डो, नबिल बैंक, शिवम् सिमेन्टलगायतका कम्पनीकाे सेयर सबैभन्दा बढी किनबेच भए ।