हामी सबैकाे संसारन्यूज

ओमकुमारी बन्जारा रानाभाट, काठमाडौं

तँलाई भुत्ले पैसा चोर
कसले भन्यो भुँड्को फोर ।।

खुत्रुकेको पैसा चोर
कसले भन्यो भुड्को फोर
मेरो पैसा हरायो
भाइलाई सोधेँ करायो ।।

मलाई दिएका पैसालाई
खुत्रुकेमा भरेकी
धेरै राखेँ नभरिँदा
म त छक्क परेकी ।।

ललीपप र किन्डरज्योए
लुकीछिपी खाँदैथ्यो
खुत्रुकेको पिँध फोरेर
भाइले पैसा लादैँथ्यो ।।

मैँले भाइलाई सोधेथेँ
पैसा तैँले कहाँ पा’ को
भाइले उत्तर मलाई द्यो
छामेँ खोल्ती बा’ को ।।

तँलाई भुत्ले पैसा चोर
कसले भन्यो भुँड्को फोर
लौरीले नै कुट्दिन्छु
तिर्खामा नै चुट्दिन्छु ।।

अबदेखि चोर्दिन
दिदी भुड्को फोर्दिँन
बाँकी पैसा लौ राख
ललीपप लौ चाख ।।

तेरो जुठो खान्न म
स्कुल सँगै लान्न म
अबदेखि नचोर है
मेरो भुड्को नफोर है ।।

तँलाई भुत्ले पैसा चोर
कसले भन्यो भुँड्को फोर ।।