हामी सबैकाे संसारन्यूज

काठमाडौं । घोराही सिमेन्ट उद्योगको आईपीओमा फर्जी निवेदन दिने १२ जनाको नाम सार्वजनिक भएको छ । आइपिओमा लगानीकर्ताहरुको आकर्षण देखाउने प्रयास स्वरुप फर्जी आवेदन दिनेहरुको नाम सार्वजनिक भएको हो ।

बताइएअनुसार खातामा रकम नभई १० लाख कित्ताको दरमा आवेदन दिनेहरुमा गोरखाकी सावित्रा पराजुली, रुपन्देहीकी लक्ष्मी घिमिरे, मोरङकी मुना खत्री र चितवनकी मनोज पाठक, सुनसरीका मिथिलेशकुमार मेहता, दोलखाका नवीन खत्री, ललितपुरका अनिल राना, पर्वतकी रञ्जना ढकाल पौडेल र काठमाडौंकी सुमित्रा बम रहेका छन् ।

फर्जी आवेदन दिएर लगानीकर्ता लोभ्याउने गरी आइपिओमा चलखेल भएपछि धितोपत्र बोर्डले सोमबार नै आइपिओ तत्कालका लागि स्थगन गरेको थियो ।

कम्पनीले प्रिमियम मूल्यमा प्रतिसेयर ४३५ रुपैयाँका दरले सर्वसाधारणका लागि ६९ लाख ११ हजार ६७० कित्ता सेयर निष्कासन गरेको थियो । जसमा सोमबारसम्म ४३ करोड ३५ लाख रुपैयाँबराबरको आवेदन परेको थियो । जसमध्यये १ करोड २० लाख कित्ता फर्जी आवेदन परेको पाइएको छ ।