Sansar News
काठमाडौं । बागमती प्रदेशका भौतिक पूर्वाधार विकासमन्त्री युवराज दुलालले आफ्नो कार्यकक्षमा ‘ग्रेटर नेपाल’को नक्सा राखेका छन् । नेकपा (माओवादी केन्द्र)बाट मन्त्री बनेका दुलालले चुच्चे नक्सा हटाउँदै ग्रेटर नेपालको नक्सा राखेका हुन् ।
काठमाडौंका मेयर बालेन्द्र शाहले आफ्नो कार्यकक्षमा ग्रेटर नेपालको नक्सा राखेसँगै त्यसको प्रभाव बढेको थियो । बालेन्द्रको अनुशरण गर्दै कतिपय पालिकामा नक्सा परिवर्तनको लहर चलेको थियो ।
पालिकास्तरमा लहर चलेकै बखत प्रदेशकै मन्त्रीले नक्सा परिवर्तन गरेका हुन् । दुलालको यस कार्यको अहिले सामाजिक सञ्जालमा निकै चर्चा भइरहेको छ ।
वि.सं.२०८० असार ७ बिहीवार १६:४२ मा प्रकाशित
