हामी सबैकाे संसारन्यूज

काठमाडौं । नेपाल समाजवादी पार्टीका अध्यक्ष डा. बाबुराम भट्टराईले २०८४ को निर्वाचनबाट नयाँ दलको सरकार बन्ने दाबी गरेका छन् । राष्ट्रिय स्वतन्त्र पार्टी (रास्वपा)ले पार्टी स्थापना दिवसको अवसरमा आयोजना गरेको चियापानका कार्यक्रममा उनले यस्तो दाबी गरेका हुन् ।

भट्टराईले नयाँ एजेण्डा र विचारसहितका पार्टी चाहिन्छ भनेर आफूले पहल गरेको बताउँदै उनले रास्वपा उदाएकोमा खुसी व्यक्त गरे ।

भट्टराईले ०८४ को चुनावबाट पुराना शक्ति नआउने दाबी गरे । उनले भने, “०८४ मा चुनावमा नेपालमा नयाँ दलले नेतृत्व गरेको सरकार बन्छ, को हुन्छ म भन्दिनँ ।”

भट्टराईले समाज पछाडि नफर्कने भन्दै नयाँ शक्तिको उदय अनिवार्य भएको बताए ।

उनले अगाडि भने, “नयाँ भनेको अग्रगमन हो, पछाडि फर्किन होइन, नयाँ शक्तिको विकल्प छैन । संघीय लोकतान्त्रिक गणतन्त्रको जगमा टेकेर देशलाई सुशासनतर्फ लिएर जान जान सकोस् भन्ने आम नेपालीको चाहना छ ।”