हामी सबैकाे संसारन्यूज

काठमाडौं । सुदूरपश्चिम प्रदेशका आन्तरिक मामिला तथा कानुन मन्त्री पृथ्वीबहादुर सिंह दम्पत्ती सवार गाडी दुर्घटनाको मृत्यु प्रकरणको विषयमा छानविन गर्न सुदूरपश्मि सरकारले छानविन समिति गठन गरेको छ ।

बिहीबार बसेको सुदूरपश्चिम सरकारको मन्त्रिपरिषद्को बैठकले मन्त्रीसहित तीनजनाको ज्यान जाने गरी भएको उक्त दुर्घटनाको छानविन गर्न मन्त्रिपरिषद् कार्यालयका सचिव गंगाबहादखुर खरेलको नेतृत्वमा सात सदस्यीय समिति गठन गरेको हो ।

समितिको सदस्यहरुमा प्रहरी वरीष्ठ उपरीक्षक, नेपाल प्रहरी, प्रदेश कार्यालय, शसस्त्र प्रहरी वरिष्ठ उपरीक्षक, सशस्त्र प्रहरी बल, नेपाल, नं ७ बाहिनी, नवराज ओझा, उपसचिव (प्रशासन), मुख्यमन्त्री तथा मन्त्रिपरिषद्को कार्यालय, टेक बहादुर थापा, उपन्यायाधिवक्ता, मुख्य न्यायाधिवक्ताको कार्यालय, मेकानिकल इन्जिनियर, यातायात व्यवस्था कार्यालयका विष्ष्णुदत्त अवस्थी, शाखा अधिकृत (कानुन), आन्तरिक मामिला तथा कानुन मन्त्रालय रहेका छन् ।
उक्त समितिल घटनाको सत्य तथ्य अनुसन्धान गरी १५ दिनभित्रमा प्रदेश सरकार समक्ष प्रतिवेदन पेश गर्नुपर्ने बताइएको छ ।
असार ५ गते बझाङको केदारेस्यु गाउँपालिका वडा नं १ जुवालीखेत देउरामा कार दुर्घटनामा परी मन्त्री सिंह, उनकी धम्र्रपत्नी अमृतादेवी सिंह र भाउजु जयाँदेवी सिंहको मृत्यु हुनुका साथै सुरक्षागार्ड दिपक भण्डारी र चालक धर्मराज जोशी घाईते भएका थिए ।
घाईतेहरुको कोहलपुर मेडिकल कलेजमा उपचार भइरहेको छ । दुर्घटनाको कारण खुल्न सकेको छैन ।