हामी सबैकाे संसारन्यूज

अनिल भण्डारी ‘उदाश’, अछाम

१
बदलाको सोच नबोक एकदिन सकिनु पर्छ
तिमी यादगर धेरै उम्लिए पछि पोखिनु पर्छ
को बुझाउला तिमीलाई यत्ति कुरा जिवनमा
उचाईमा पुगेको बादलले अवस्य बर्षिनु पर्छ

२
जब एकान्तमा विगत सम्झन्छु तिमी नबोल्दा
एक्लै बरबराउछु के के भन्छु तिमी नबोल्दा
तिमी विना पनि म जिउन सक्छु कसरी भनौ
एकैछिनमा जिउँदो लास बन्छु तिमी नबोल्दा

३
मेरा चाहाना पूरागर्ने चारधाम तिमी हौ
गर्मीको शितल जाडोको घाम तिमी हौ
तिमीलाई भेटेपछि सपना देख्न छोडे
हजारौं सपनाको पुर्णविराम तिमी हौ

४
म एकदिन पक्कै बदला लिन्छु ख्याल गर
इटको जबाफ पत्थरले दिन्छु ख्याल गर
ठिकै छ ,तिमीले मलाई गुलेलीले हिर्कायौ
तिमीलाई हिर्काउन बन्दुक किन्छु ख्याल गर

५
तिम्रा पीडा अनि तिम्रा बेचैन मैले लिनु प¥यो
सोचेँं ! भए भरको खुसी तिमीलाई दिनु प¥यो
तिमी जीवनमा फिक्का आकृति बनेर आयौ
तिमीमा रंङ्ग भर्दाभर्दै मैले आफु रित्तिनु प¥यो