Sansar News
शान्तिराम भट्टराई
तेह्रथुम हाल काठमाडौं
नजर मात्र तिम्रो हेर, मलाई दिने साथ छैन
प्यालाभरि मदिरा मात्र, कति पनि मात छैन
सधैंभरि झल्को देख्छु, पानी भर्ने पँधेरीमा
अनायासै बिउँझी हेर्छु, विपनीमा बात छैन
सुनाखरी नागबेलीमा, बसेकी छौ जस्तो लाग्छ
कोल्टे फिर्छु छटपटाउँछु, निद्रा ला’को रात छैन
निरस यो जिन्दगीलाई, टाढा लैजाऔँ जस्तो लाग्छ
काँडा फूल भा’को बोटमा, हरियो फेरि पात छैन
लालीगुराँस फुल्ने मेरै, आफ्नै घर मझेरीमा
नजिक छ रे फूल हेर, तर कुनै साथ छैन
९८५२०५१३००
वि.सं.२०८० असार ९ शनिवार ०७:३७ मा प्रकाशित
