हामी सबैकाे संसारन्यूज

निम्बतरु, अर्घाखाँची

मैले त
आकाश भन्नाले
सूर्य, चन्द्रमा र ताराहरू सहितको सम्झन्थेँ
मैले त
मुस्कान
उज्यालो बिनाको हुदैन भन्ने जान्दथें

धेरैले त्यो चन्द्रमा हो भने भनिरहे
वास्तवमा त्यो कहाँ चन्द्रमा हो त ?
त्यो त मेरो पो मुस्कान हो
मुस्कान पनि उज्यालो
र त्यो आकाशमा मेरो हृदय भरिदैछ

मानिसहरु जे सम्झिरहे
खै ! त्यो कसरी चन्द्रमा भयो
त्यो त रित्तो आकाश हो
अब भर्नुपर्छ कलात्मक हृदयको प्रतिबिम्ब
त्यो पनि मेरो

उनीहरूले फेरबदल गर्नुपर्छ भन्थे
र उनीहरुले सूर्य, चन्द्रमा र ताराहरू सबै झिके
फेरि पनि त्यही गति देखियो
मैले देखिन
लाग्छ त्यो रित्तो आकाशमा मैले हृदय भर्नुपर्छ
घाम रित्तो छ क्यारे
अब किरण भर्नुपर्छ ।