Sansar News
काठमाडौं । नेपाली कांग्रेसका नेता तथा सिन्धुपाल्चोकका पूर्वसभापति विकास लामाको उपचारका क्रममा निधन भएको छ ।
केही समयदेखि ब्लड क्यान्सर रोगले पीडित लामाको काठमाडौंस्थित वीर अस्पतालमा उपचारका क्रममा शुक्रबार राति निधन भएको बताइएको छ ।
केही समय थाइल्याण्डबाट उपचार गरेर फर्किएका थिए लामा । लामाकी पत्नीको पनि गत वर्ष निधन भएको थियो ।
नेपाली कांग्रेसको १४ औं महाधिवेशनमा संस्थापनइतर समुहबाट सहमहामन्त्रीको उम्मेदवार रहेका उनी पराजित भएका थिए ।
उनको निधनप्रति दुःख व्यक्त गर्दै कांग्रेस नेता शसांक कोइरालाले भनेका छन् । ‘नेपाली कांग्रेस सिन्धुपाल्चोकका पूर्वसभापति विकास लामाको निधनले दुःखी बनाएको छ । लामाले कांग्रेस पार्टीको संगठनमा पुर्याउनुभएको योगदान हाम्रा सामु सधै ताजै रहिरहने छ । शोकाकुल यस समयमा परिवारजनमा हार्दिक समवेदना तथा स्व. लामाप्रति भावपुर्ण श्रद्धाञ्जली ।’
वि.सं.२०८० असार ९ शनिवार ०८:५५ मा प्रकाशित
