हामी सबैकाे संसारन्यूज

काठमाडौं । हाल देशभर सामान्यदेखि पूर्णतया बदली रही कोशी, मधेश, बागमती, गण्डकी र लुम्बिनी प्रदेशका केही स्थानहरुमा तथा कर्णाली र सुदूर पश्चिम प्रदेशका एक वा दूई स्थानमा मेघ–गर्जन/चट्याङ्ग सहित वर्षा भइरहेको छ ।

मौसम पूर्वानुमान महाशाखका अनुसार आज दिउसो देशभर सामान्य बदली रही केही स्थानहरुमा मेघ–गर्जन/चट्याङ्ग सहित हल्का देखि मध्यम वर्षाको सम्भावना रहेको छ । साथै गण्डकी, लुम्बिनी र सुदूरपश्चिम प्रदेशका एक–दुई स्थानमा भारी वर्षाको पनि सम्भावना रहेको छ ।

त्यस्तै राति पनि बागमती, गण्डकी, लुम्बिनी र सुदूरपश्चिम प्रदेशका प्रदेशका एक–दुई स्थानहरुमा भारी वर्षाको पनि सम्भावना रहेको महाशाखाले जनाएको छ ।

यी ३५ जिल्लामा बाढीको सम्भावना
आज र भोली महाकाली र यसका सहायक नदीहरूसहित ३५ जिल्ला भइ बहने नदीहरुमा जलसतह उल्लेख्य बढ्ने र केहीमा सतर्कता तहसम्म पुग्न सक्ने महाशाखाले जनाएको छ ।

महाशाखाका अनुसार आज बारा, पर्सा, काभ्रेपलान्चोक, सिन्धुली, चितवन, पर्वत, नवलपरासी (ब.सु पूर्व), नवलपरासी (ब.सु,पश्चिमं), रुपन्देही, कपिलवस्तु, अर्घाखाँची, प्यूठान, रोल्पा, दाङ, बाँके, बर्दिया, कैलाली, कन्चनपुर, डडेल्धुरा, डोटी, बैतडी, बझा«ङ र दार्चुला आसपास भइ बहने नदीहरुको आकस्मिक बहावको जोखिम बढ्ने पूर्वानुमान रहेको छ ।

असार ९
आज र भोली महाकाली र यसका सहायक नदीहरूमा जलसतह उल्लेख्य बढ्ने र केहीमा सतर्कता तह सम्म पुग्न सक्ने तथा तल बुलेटिन र नक्सामा उल्लेखित जिल्ला भई बहने केहि साना नदीहरुमा आकस्मिक बहाव (Flash Flood) को मध्यम जोखिम रहेकाले सतर्कता अपनाऔँ। pic.twitter.com/I5cZGwDs2F

— Nepal Flood Alert! नेपाल बाढी सूचना! (@DHM_FloodEWS) June 24, 2023