Sansar News
काठमाडौं । मुक्तिनाथ विकास बैंकले मधेश प्रदेशका विभिन्न अस्पतालहरूमा ह्विलचेयर वितरण गरेको छ । बैंकले सामाजिक उत्तरदायित्व कार्यहरूलाई निरन्तरता दिने क्रममा उक्त ह्विलचेयर वितरण गरेको बताएको छ ।
बैंकले मधेश प्रदेशस्थित मधेश स्वास्थ्य विज्ञान प्रतिष्ठान प्रादेशिक अस्पताल जनकपुरधाम, चन्द्रनिगाहपुर अस्पताल र गजेन्द्र ना. सिंह सगरमाथा अञ्चल अस्पतालमा बिरामीहरूको व्यवस्थापनका लागि आवश्यक पर्ने ह्विलचेयरहरू हस्तान्तरण गरेको छ ।
सो कार्यबाट स्वास्थ्य क्षेत्रतर्फ आफ्नो सामाजिक प्रयास अघि गर्दै उक्त अस्पतालमा आउने बिरामीहरूलाई केही राहत पुग्ने बैंकको धारणा छ ।
सो सहयोगहरूबाट बैंकले आफ्नो सामाजिक उत्तरदायित्वलाई आत्मसाथ गर्दै यस सहयोगबाट सेवा क्षेत्रका नागरिक र व्यक्तिहरूको हितमा काम हुने विश्वास लिएको छ ।
वि.सं.२०८० असार १६ शनिवार ०७:३६ मा प्रकाशित
