हामी सबैकाे संसारन्यूज

काठमाडौं । काठमाडौं महानगरपालिकाले ऐतिहासिक पर्यटकीय क्षेत्र बसन्तपुरमा सवारी साधन प्रवेशमा निषेध गरेको छ ।
काठमाडौ मुख्यरुपमा प्राचिन र ऐतिहासिक कालीगढीको उदाहरण रहेको तथा काठमाडौको पहिचान भनेकै त्यहाँका सम्पदाहरुको संरक्षण र संम्बद्र्धनका लागि सवारी साधन प्रवेशमा रोक लगाइएको महानगरका मेयर बालेन शाहले बताएका छन् ।
‘विश्वलाई गौरवसाथ देखाउन सक्ने, हामीले शानसँग व्यवसायिकता अंगाल्न सक्ने भनेकै यिनै सम्पदा र यिनको प्राचीन मौलिकता पनि हुन् । यहि हेर्न, अनुभव गर्न र रमाउन लाखौँ पर्यटकहरु आउन सक्छन् ।’ मेयर शाहले भनेका छन् ।
वसन्तपुर हनुमानढोका यसमध्येकै एक रहेको र जहाँ दिनमा हजारौँ पर्यटकहरु आउने र लाखौँ आउन सक्ने सम्भावना रहेको बताउँदै मेयर शाहले थप भनेका छन् ‘यीनीहरुको मौलिकता, सौन्दर्य र परिसरको वातावरण शान्त, स्वच्छ र सुरम्य हुन अत्यावश्यक छ । यसैले हनुमानढोका परिसर भित्र सवारी साधनहरुलाई निषेध गरिएको छ ।’