हामी सबैकाे संसारन्यूज

काठमाडौं । बजेट भाषणसँगै उत्साहित देखिएको सेयर बजार क्रमशः सुस्ताउन थालेको छ । बजारबाट लगानीकर्ता क्रमशः बाहिरिन थालेका छन् ।

मंगलबारको कारोबार रकम हेर्दा बजार एक महिनाअघिको अवस्थामा पुगेको छ । मंगलबार सोमबारको तुलनामा कारोबार रकम आधाले घटेको छ ।

मंगलबार ६४ लाख ५० हजार ९३४ कित्ता सेयर कारोबार हुँदा कारोबार रकम दुई अर्ब ५७ लाख ६१ हजार १४० रुपैयाँमा खुम्चियो । सेयर बजारमा गत जेठ २९ मा साढे दुई अर्ब मुनिको कारोबार भएको थियो । तर, त्यसता बजारमा नियमित तीन अर्ब बढीको कारोबार भएको थियो ।

मंगलबार कारोबार रकम घटेपनि बजार भने बढेको छ । तीव्र उतारचढावका बीच बजार १२.७३ अंकले उक्लिँदै बजार २०८८.७० को बिन्दुमा पुगेको छ ।