Sansar News
काठमाडौं । त्रिभुवन विश्वविद्यालयले सम्बन्धन प्राप्त तर सम्बन्धन नवीकरण नगरेका क्याम्पस÷कलेजहरूको सूची सार्वजनिक भएको छ ।
त्रिभुवन विश्वविद्यालय उपकुलपतिको कार्यालय, योजना निर्देशनालयले त्रिविबाट सम्बन्धन प्राप्त गरी हाल सञ्चालनमा रहेका क्याम्पस/कलेजहरूलाई पटक पटक (मिति २०७९।०९।२० तथा २०७९।१२।२८) सम्बन्धन नवीकरण गर्नका लागि सूचित गरिएको र नवीकरण नगरे किन सम्बन्धन खारेज नगर्ने ? भन्ने सूचना जारी गर्दा पनि सम्बन्धन नवीकरण नगरेपछि ती क्याम्पसहरुको सूची प्रकाशित गरिएको कार्यालयले जनाएको छ ।
‘त्रिवि सम्बन्धन समितिको निर्णय अनुसार नवीकरण नभएका उक्त क्याम्पसहरूलाई त्रिवि नियमानुसार कारवाही प्रक्रिया अगाडी बढाउने बेहोरा जानकारी गराइन्छ । (पुनश्चः यदि कुनै क्याम्पस नवीकरण प्रक्रियामा भएको भए यथासक्य आधिकारिक निस्सा प्रमाणसहित सम्बन्धित डीनको कार्यालयमा सम्पर्क गर्नुहुन समेत सूचित गरिन्छ ।)’ सूचनामा भनिएको छ ।
वि.सं.२०८० असार २८ बिहीवार १७:३९ मा प्रकाशित
