Sansar News
प्रेमलकुमार खनाल,काठमाडौं
उ कुरौटे थियोे
गफाडी थियो
अल्छी थियोे
तर मानिसले उसलाई मानिदिए
त्यसैले उ समूहको प्रमुख बन्यो
तर काम गरेन
दोष कसको ?
संघर्षको राप र ज्वाला
दन्दनी बली रहेको बेला
भगौडा भएर
उ पलायन भई दियो
दोष कसको ?
फेरि अर्काे आन्दोलनको शुरुआत भयो
अनेक बहाना निकालेर आन्दोलनमा आएन
बरु असफल बनाउन तिकडम गर्न थाल्यो
जब आन्दोलन सफल भयो
पाकेको बालीको फसल खान अग्रसर भए झै
फेरि मान, सम्मान पायो
दोष कसको ?
अब फेरि निर्णायक आन्दोलन हुदै छ
तर आन्दोलनलाई अगाडि बढन नदिन
अनेक प्रपंच हुदैछ
तर उसकै पछाडि मानिसको भीड लागेको छ,
दोष कसको ?
वि.सं.२०८० साउन ६ शनिवार ०७:४४ मा प्रकाशित
