हामी सबैकाे संसारन्यूज

काठमाडौं । माओवादी केन्द्रको निमन्त्रणमा नेपाल आएको चिनियाँ कम्युनिष्ट पार्टीको पोलिटब्यूरो सदस्य युआन च्याच्युन नेतृत्वको टोलि स्वेदश फर्किएको छ । तीन दिने भ्रमणका लागि नेपाल आएको टोली मंगलबार स्वेदश फर्किएको हो ।

माओवादी केन्द्रको निमन्त्रणमा आएको टोलीले प्रधानमन्त्री एवम् पार्टी अध्यक्ष पुष्पकमल दाहाल प्रचण्डसँग भने प्रत्यक्ष भेटवार्ता गर्न पाएन । टोली नेपाल आउँदै गर्दा प्रधानमन्त्री प्रचण्ड एक साताको लागि इटली भ्रमणमा निस्किएका थिए । तथापी, चिनियाँ टाेलीसँग प्रचण्डले भर्चूअलमार्फत संवाद गरेका थिए ।

नेपालमा रहँदा चिनियाँ टोलीले माओवादी केन्द्रका अन्य पदाधिकारीसँग डिनर मिटिङ गरेको थियो ।

चिनियाँ टोलीले राष्ट्रपति, कार्यबहाक प्रधानमन्त्री, सभामुखसहित कांग्रेस सभापति र एमालेका अध्यक्षलगायतलाई पनि भेटेको थियो ।