Sansar News
काठमाडौं । कडा चेकजाँचका बाबजुद पनि गत मंगलबार बिहान अन्तराष्ट्रिय विमानस्थलबाट १०० किलो सुन बाहिरीएको प्रकरणपछि विमानस्थल भन्सार प्रमुख फेरिएका छन् ।
सरकारले मंगलबार टोकराज पाण्डेलाई भन्सार प्रमुखमा नियुक्त गरेको हो ।
निजामती राष्ट्रिय किताव खानामा महानिर्देशकका रुपमा कार्यरत पाण्डे अर्थमन्त्रालयमा सरुवा भएको एकसातामै विमानस्थल भन्सार प्रमुखमा नियुक्त भएका हुन् ।
अर्थमन्त्री डा. प्रकाश शरण महतले उनलाई भन्सार प्रमुखमा नियुक्त गरेको मन्त्री महतको सचिवालयले पुष्टि गरेको छ ।
यसअघि विमानस्थल भन्सार प्रमुख रहेका अरुण पोखरेल सुन काण्ड अगाडि असार १७ गते नै विरामी विदामा बसेका छन् । भदौ १७ गतेसम्मका लागि स्वास्थ्योपचारका लागि विदा लिएका पोखरेललाई हाल अर्थमन्त्रालयमा सरुवा गरिएको बताइएको छ ।
वि.सं.२०८० साउन ९ मंगलवार १५:५८ मा प्रकाशित
