हामी सबैकाे संसारन्यूज

काठमाडौं । सत्तारुढ नेपाली कांग्रेसका सांसद सुनिल शर्मा पक्राउ परेका छन् । शर्मालाई नेपाल प्रहरीको केन्द्रीय अनुसन्धान ब्यूरो (सीआईबी)ले  गोल्फुटारस्थित उनकै निवासबाटै पक्राउ गरेकाे हाे ।

प्रहरी स्रोतले बताएअनुसार शर्माले प्रयोग गरेको शैक्षिक प्रमाणपत्र नक्कली भएको भेटिएपछि अनुसन्धानका लागि पक्राउ गरिएको हो । शैक्षिक प्रमाणपत्रका आधारमा शर्माले एमबीबीएस उत्र्तीण गरेका छन् ।

शर्मा चिकित्सा शिक्षा व्यवसायीसमेत हुन् । शर्माकाे काठमाडाैंमा काठमाडाैं मेडिकल कलेज र विराटनगरमा नोबल मेडिकल कलेजका सञ्चालनमा छ ।

शर्मा गत मंसिरमा सम्पन्न निर्वाचनमा मोरङ ३ बाट प्रत्यक्ष निर्वाचित सांसद हुन् । उनलाई नेपाली कांग्रेसभित्र आरजु राणा निकट मानिन्छ ।

सांसद शर्माले सय केजी सुन तस्करी प्रकरणमा संसदबाटै गृहमन्त्री र अर्थमन्त्री राजीनामा मागेका थिए । उनले उक्त प्रकरणमा उच्च स्तरीय छानबिन समिति नबने आफू संसदमै अनसन बस्नेसमेत घोषणा गरेका थिए ।