हामी सबैकाे संसारन्यूज

काठमाडौं । रिलायबल नेपाल लाइफ इन्स्योरेन्सले सर्वसाधारणका लागि निष्काशन गरेको आईपीओ आज बुधबार बाँडफाँड हुँदै छ । बिक्री प्रबन्धक सिभिल क्यापिटलले साउन ३१ गते बुधबार साँझ ५ः३० बजे शेयर बाँडफाँड गर्न लागेको हो ।

कम्पनीले साउन २३ देखि साउन २६ गतेसम्म सर्वसाधारणका लागि आईपीओ बिक्री खुला गरेको थियो । कम्पनीले सर्वसाधारणका लागि ९६ लाख कित्ता शेयर निष्काशन गरेको हो । कम्पनीले अंकित मूल्य १०० रुपैयाँमा १५७ रुपैयाँ प्रिमियम थप गरेर प्रति कित्ता २५७ रुपैयाँमा शेयर निष्काशन गरेको थियो ।

कम्पनीले असार २७ देखि साउन १० गतेसम्म श्रम स्वीकृति लिई वैदेशिक रोजगारीमा रहेका नेपालीलाई १२ लाख कित्ता शेयर निष्काशन गरेको थियो । उक्त शेयर बाँडफाँड भईसकेको छ । जसमा लगानीकर्ताले अधिकतम ६० कित्ता सम्म शेयर पाएका छन् ।