Sansar News
काठमाडौँ । सिद्धार्थ बैङ्कले संस्थापक सेयर बिक्री गर्ने भएको छ । बैङ्कले संस्थापक समूहको ३ लाख कित्ता सेयर बिक्री गर्न लागेको जनाएको छ ।
बैङ्कका अनुसार संस्थापक मदन लाल केडियाको नाममा रहेको ३ लाख कित्ता सेयर बिक्रीमा राखेको हो । बैङ्कको सो सेयरको मूल्य तोकिएको छैन ।
बैङ्कको सेयरमा इच्छुक संस्थापक सेयर धनीहरूले मात्रै आवेदन दिन पाउने छन् । सेयर खरिद गर्न इच्छुकले बैङ्कका विद्यमान संस्थापकहरूले ३५ दिनभित्र आवेदन पेस गर्नु पर्नेछ । यदि सो समयभित्र आवेदन नपरेमा सर्वसाधारण लगानीकर्ताका लागि बिक्री खुला गरिने बैङ्कले जनाएको छ ।
वि.सं.२०८० भदौ १७ आइतवार ११:१३ मा प्रकाशित
