Sansar News
काठमाडौं । मथिल्लो मैलुङ खोला जलविधुत लिमिटेडले सर्वसाधारणका लागि आज असोज १८ गतेदेखि आईपीओ बिक्री खुला गरेको छ । कम्पनीले सर्वसाधारणका लागि १२ लाख ८४ हजार २ सय कित्ता शेयर निष्कासन गरेको हो । कम्पनीले अंकित मूल्य प्रति कित्ता १ सय रुपैयाँमा शेयर निष्कासन गर्न लागेको छ ।
यस निष्कासनमा असोज २२ गतेसम्म आवेदन दिन सकिने छ । आवेदन दिंदा न्युनतम १० कित्ता र अधिकतम १० हजार कित्ताको आवेदन दिन सकिने छ । शेयर निष्कासनको लागि सानिमा क्यापिटल बिक्री प्रबन्धक रहेको छ ।
सर्वसाधारणका लागि आईपीओ निष्कासन गर्दै मथिल्लो मैलुङ
यस अघि नै कम्पनीले आयोजना प्रभावित रसुवा जिल्लाका स्थानीय र श्रम स्वीकृति लिई विदेशमा रहेका नेपाली नागरिकको लागि निष्कासन गरिएको शेयर बाँडफाँड गरिसकेको छ ।
यो सानिमा समूह अन्तर्गतको कम्पनीको हो । कम्पनीले रसुवामा १४.३ मेगावाटको माथिल्लो मैलुङखोला जलविधुत आयोजना निर्माण गरिरहेको छ । आयोजनाले २०९० साउन १५ बाट ब्यारिक उत्पादन थाल्ने लक्ष्य राखेको छ ।
आयोजनाको कुल लागत २ अर्ब ५० करोड अनुमान गरिएको छ । प्रति मेगावाट लागत भने १७ करोड ४८ लाख अनुमान गरिएको छ । हाल कम्पनीको चुक्ता पुंजी ७० करोड रहेको छ । आईपीओ निष्काशनपछि कम्पनीको चुक्ता पुंजी १ अर्ब पुग्ने छ ।
वि.सं.२०८० असोज १८ बिहीवार १२:२० मा प्रकाशित
