हामी सबैकाे संसारन्यूज

काठमाडौं । राष्ट्रिय सभा नियमावली संशोधन गर्न १२ सदस्यीय मस्यौदा समिति गठन भएको छ ।  शुक्रबार बसेको राष्ट्रिय सभाको बैठकले राष्ट्रियसभा नियमावली २०७५ संशोधन गर्नका लागि १२ सदस्यीय मस्यौदा समिति गठन गरेको हो ।

मस्यौदा समितिको सदस्यहरुमा सांसद खिमलाल देवकोटा, अनिता देवकोटा,  जितेन्द्रनारायण देव, तुलप्रसाद विश्वकर्मा, दिलकुमारी रावल थापा, भैरवसुन्दर श्रेष्ठ, मदनकुमारी शाह गरिमा, महेशकुमार महरा, मोहम्मद खालिद, विमला राई पौड्याल, शेखरकुमार सिंह र सुरेशकुमार आले मगर रहेका छन् ।

समितिले राष्ट्रिय सभा नियमावली २०७५ मा रहेका सभा तथा समिति सञ्चालनका सन्दर्भमा देखापरेका समस्याहरु पहिचान गरी नियमावलीमा संशोधन मस्यौदा तयार गरेर  पुस १४ गतेसम्म सभामा पेश गर्ने राष्ट्रिय सभाका अध्यक्ष गणेश तिमिल्सनाले जनाएका छन् ।  हाल १२ सदस्यीय रहेको समितिले  सदस्यमध्ये एकजनालाई सभापतिमा चयन गर्नेछ ।