Sansar News
काठमाडौं । नेपाली कांग्रेसको केन्द्रीय कार्य सम्पादन समितिको बैठक बस्दैछ ।
पार्टीका सभापति शेरबहादुर देउवाले आफ्नै निजी निवासमा आज दिउँसो ३ बजेका लागि कार्यसमितिको बैठक बोलाएका हुन् ।
उक्त बैठकमा केन्द्रीय कार्यसम्पादन समितिका पदाधिकारी एवं सदस्यहरुको अनिवार्य उपस्थितिका लागि निर्देशन समेत दिइएको मुख्य सचिव कृष्णप्रसाद पौडेलले जानकारी दिएका छन् ।
सो बैठक कोशी प्रदेशको मुख्यमन्त्रीको विषयमा छलफल गरिने बताइएको छ ।
कोशी प्रदेशका केही सांसदले माओवादीका सांसद इन्द्र आङबोलाई समर्थन गर्ने निर्णय गरेका छन् भने कांग्रेसकै सांसद तथा शेखर कोइराला पक्षका केदार कार्कीले भने पार्टीका अन्य ८ सांसद र नेकपा एमालेका ३९ सांसदको समर्थनमा मुख्यमन्त्रीमा दावी पेश गरेका छन् ।
वि.सं.२०८० असोज २६ शुक्रवार १५:३२ मा प्रकाशित
