हामी सबैकाे संसारन्यूज

काठमाडौँ । नेपालकै ठूलो वाणिज्य बैंक मध्येको एक नविल बैंकले पहिलो छ महिनाको वित्तिय विवरण सार्बजनिक गरेको छ ।
विवरण अनुसार उसले तीन अर्बभन्दा बढी नाफा कमाएको छ भने खराब कर्जा पनि घटाएको छ ।

यो अवधिमा बैंकले तीन अर्ब २० करोड ३० लाख ७९ हजार रुपैयाँ नाफा कमाएको छ । जुन गत आवको पुसम मसान्तको तुलनामा ६।२८ प्रतिशत कम हो । गत वर्ष बैंकले तीन अर्ब ४१ करोड ७६ लाख ९८ हजार रुपैयाँ नाफा कमाएको थियो ।

विवरण अनुसार छ महिनामा वितरणयोग्य नाफा एक अर्ब आठ करोड ७८ लाख ७६ हजार रुपैयाँ रहको छ ।

यो अवधिमा बैंकको खुद ब्याज आम्दानी ५।२४ प्रतिशतले बढेको छ । उसको यस्तो आम्दानी ८ अर्ब २४ करोड ३३ लाख ४४ हजार रुपैयाँ

पुगेको छ । त्यस्तै पुससम्म बैंकको सञ्चालन मुनाफा भने ६।१८ प्रतिशतले घटेर ४ अर्ब ५६ करोड ११ लाख रुपैयाँमा सिमित रहेको छ ।

कुल चुक्ता पूँजी २७ अर्ब पाँच करोड ६९ लाख रुपैयाँ रहेको बैंकको जगेडा कोषमा २८ अर्ब २५ करोड ७७ लाख रुपैयाँ रहेको छ ।

यो अवधिमा बैंकले चार खर्ब २८ अर्ब ८३ करोड रुपैयाँ निक्षेप संकलन गरेको र ३ खर्ब ६२ अर्ब ८७ करोड रुपैयाँ कर्जा प्रवाह गरेको छ ।
प्रतिसेयर आम्दानी २३.६८ रुपैयाँ रहेको बैंकको प्रति सेयर नेटवर्थ २०४.४४ रुपैयाँ रहेको छ ।

विवरण अनुसार बैंकको निष्क्रिय कर्जा भने घटेको छ । गत आवको सोहि अवधिमा त्रैमासमा १।४६ प्रतिशत रहेकोमा अहिले घटेर १।२० प्रतिशत रहेको छ ।