हामी सबैकाे संसारन्यूज

इन्दिरा चापागाईं,सभापोखरी -१ संखुवासभा

‘हैन, मेरो सृष्टिमा के खोट थियो र मानिस यस्तो समवेदनाहीन हुन थाल्यो हँ ? तिम्रो पालनमा केही खराबी भएको हुनुपर्छ ।’ ब्रह्माजीले विष्णुलाई आरोप लगाए ।

‘खरानी र सुलीको प्रयोग गरेर मान्छे बनायौ । कच्चा पदार्थ राम्रो भए पो चीज राम्रो हुन्छ’ विष्णुले उल्टै ब्रह्मालाई झपारे ।

‘यसमा तिमीहरु दुवैको केही दोष छैन । विनासकाले विपरित वुद्धि’, मानवसभ्यता नास हुने समय आएकोले मानव अमानवीय हुँदै गएको हो ।’ संहारकर्ता महेश्वरले तर्क लडाए ।

वैज्ञानिक मार्क स्मिथले ब्रह्मा, विष्णु, महेश्वरका यी सब कुरा सुने । प्रयोगशालाबाट बाहिर निस्किदै स्मिथले भने, ‘माफ गर्नुस् भगवान त्रय ! यहाँहरु कसैको तर्कमा पनि कुनै सत्यता छैन । मैले पन्ध्र बर्ष अनुसन्धान गरेर सत्य तथ्य पत्ता लगाएको छु ।’

‘त्यसो भए के हो त तिम्रो सत्य तथ्य ?’ भगवान महेश्वरले सोधे । ब्रह्मा र विष्णु जिज्ञासु नजरले हेरिरहे ।

‘मानवका केही जीनमा आएको उत्परिवर्तनको कारण मान्छेमा मानवीय संवेदना हराउँदै गएको हो प्रभु ! वैज्ञानिक अनुसन्धाता स्मिथले मुस्कुराउँदै भने ।