हामी सबैकाे संसारन्यूज

सृजना ढकाल,पोखरा

देखेर मेरो करुणा ढुङ्गा रसाउनेछ
बग्दै गरेको खोला फर्केर आउनेछ

ईश्वर समेत झुक्छन् मायाले जिद गरेमा
काँडा फुलेर एकदिन फूल झैँ बसाउनेछ

जल्नेछ रात आफैँ देखेर प्रेम मेरो
आकाशले नि सूर्य राति पठाउनेछ

धोकाको राप भित्र जल्दै छ आज मान्छे
आगो पिएर भोलि तिर्खा मेटाउनेछ

पैसा भयो अूुल्य अस्तित्व छैन जनको
मान्छेले लास माथि उत्सव मनाउनेछ

केही त पाप लाग्ला मायालु छल नगर्नू
रोएको मनले भाग्य तिम्रो गिराउनेछ

खोलेर झ्याल हेर्नू रातीको दुई प्रहरमा
चोरेर मेरो आँखा जूनले चिहाउनेछ

बग्दैछ मन बगाऊ दिलको नदी बनेर
आकाशमा यो धर्ती आजै बिलाउनेछ

बहर : मुजारे मुसम्मन अखरब
अर्कान–२२१२,१२२/२२१२,१२२