Sansar News
काठमाडौं । नेपाली कांग्रेका सभापति शेरबहादुर देउवाले पार्टीको केन्द्रीय कार्यसम्पादन समितिको बैठक बोलाएका छन् ।
आइतबार र सोमबार गरी दुई दिनमा राजनीतिक वृत्तमा भएको एकाएक परिवर्तनको घटनालाई लिएर सोमबार बिहान पदाधिकारी र पूर्वपदाधिकारीको बैठक बोलाएका सभापति देउवाले मंगलबार बस्ने गरी केन्द्रीय कार्य सम्पादन समितिको बैठक बोलाएका हुन् ।
पार्टी कार्यालयका मुख्य सचिव कृष्णप्रसाद पौडेलका अनुसार मंगलबार ३ बजेका लागि बैठक बोलाइएको हो । बैठक सभापति देउवा निवास बुढानिलकण्ठमा बस्न लागेको हो ।
सत्ता समिकरण दल नेकपा माओवादी केन्द्रले सरकारका विभिन्न निर्णयमा कांग्रेस बाधक बनेको आरोपसहित सहकार्य छाडेर एमालेसहितका दलहरुसँग नयाँ समिकरण गरेर नयाँ सरकार बनाउने तयारीमा रहेका छन् ।
वि.सं.२०८० फागुन २१ सोमवार १३:४५ मा प्रकाशित
