Sansar News
काठमाडौं । नयाँ सत्ता समिकरण बनेसँगै समिकरणभित्र रहेका दलहरुबाट मन्त्री को–को बन्ने भन्ने विषयमा छलफल चलिरहेको छ ।
प्रधानमन्त्री पुष्पकमल दाहाल ‘प्रचण्ड’ ले नेपाली कांग्रेससँगको सहकार्य तोडेर नयाँ समिकरण बनाएसँगै सानो आकारको मन्त्री मण्डल बनाउने तयारी गरिरहेका छन् ।
आज बिहान बसेको नयाँ सत्ता समिकरणको बैठकमा दलहरुले आ–आफ्नो पार्टीबाट मन्त्री हुने नेताहरुको नामावली दिएका थिए । साथै पुन दिउँसो २ बजे बस्ने नयाँ गठबन्धनको बैठकले नयाँ गठबन्धनको आधारपत्र सार्वजनिक गर्ने, मन्त्रीहरुको टुंगो लगाउने र साँझ ४ बजे ती मन्त्रीहरुले सपथ ग्रहण् गर्ने बताइएको छ ।
हालसम्म प्राप्त नाम अनुसार नेकपा एमालेले प्रमुख सचेतक पदम गिरीलाई मन्त्रीमा प्रस्ताव गरेको छ । गिरी यसअघि स्वास्थ्य मन्त्री बनिसकेका व्यक्ति हुन् ।
त्यसैगरी नेकपा माओवादी केन्द्रबाट हितबहादुर तामाङ र वर्षमान पुन अनन्तमा एकजना सरकारमा सहभागी हुने बताइएको छ भने रास्वपाबाट डिपी अर्याल मन्त्री बन्ने बताइएको छ ।
दलहरुबाट मन्त्रीका लागि नाम आएपछि प्रधानमन्त्री पुपष्पकमल दाहाल ‘प्रचण्ड’ शीतलनिवास पुगेर राष्ट्रपति रामचन्द्र पौडेललाई भेटेका थिए ।
वि.सं.२०८० फागुन २१ सोमवार १४:३० मा प्रकाशित
