Sansar News
काठमाडौं । नेकपा (एकिकृत समाजवादी) पार्टी दुई मन्त्रीसहित सरकारमा सहभागी हुने भएको छ ।
सो पार्टीको आलोकनगरस्थित केन्द्रीय कार्यालयमा बुधबार बसेको बैठकले सरकारमा सहभागी हुने निर्णय गरेको बताइएको छ ।
स्रोतका अनुसार नेकपा एसले संघीय मामिला तथा सामान्य प्रशासनसहित दुई मन्त्रालय लिने भएको हो ।
नेकपा एसबाट यसअघि कांग्रेससहितको गठबन्धनमा दुई मन्त्री सरकारमा सहभागी थिए । जसमा कृषि मन्त्रीमा बेदुराम भुसाल र प्रकाश ज्वाला भौतिक योजना तथा निर्माण मन्त्री रहेका थिए भने नन्दा चापागाईँ राज्यमन्त्री रहेकी थिइन् ।
यसअघि गठबन्धनको नीति कार्यक्रम र चरित्र स्पष्ट भएपछि गठबन्धनमा सहभागी हुने बताएको नेकपा एसले अन्नत दुई मन्त्री सहित सरकारमा जाने निर्णय गरेको हो ।
वि.सं.२०८० फागुन २३ बुधवार १५:५२ मा प्रकाशित
