हामी सबैकाे संसारन्यूज

ललित श्री लोहारचत
गान्तोक, सिक्किम

धन भन्दा मनको खाँचो छ यहाँ
माया भन्दा दयाको खाँचो छ यहाँ
आशा भन्दा भरोसाको खाँचो छ यहाँ
प्रेम भन्दा विश्वासको खाँचो छ यहाँ
यहि सबै बुझेको एउटा मान्छेको
खाँचो छ यहाँ ।

खुशी भन्दा आनन्दको खाँचो छ यहाँ
आफान्त भन्दा साहाराको खाँचो छ यहाँ
हल्ला भन्दा सल्लाहको खाँचो छ यहाँ
ध्यान भन्दा अध्ययनको खाँचो छ यहाँ ।
यहि सबै बुझेको एउटा मान्छेको
खाँचो छ यहाँ ।

ज्ञानि भन्दा अनुभवीको खाँचो छ यहाँ
हेराइ भन्दा बुझाइको खाँचो छ यहाँ
मन भन्दा चिन्तनको खाँचो छ यहाँ
बल भन्दा हलको खाँचो छ यहाँ ।
यहि सबै बुझेको एउटा मान्छेको
खाँचो छ यहाँ ।

बिक्रेता भन्दा स्विक्रेताको खाँचो छ यहाँ
हुन्छ भन्दा सक्छुको खाँचो छ यहाँ
नेता भन्दा निती र सिद्धान्तको खाँचो छ यहाँ
परिवर्तन भन्दा प्रगतिको खाँचो छ यहाँ ।
यहि सबै बुझेको एउटा मान्छेको
खाँचो छ यहाँ ।

गुरू भन्दा शिष्यहरुको खाँचो छ यहाँ
कर्म भन्दा धर्मको खाँचो छ यहाँ
दान भन्दा उत्पादनको खाँचो छ यहाँ
पेवा भन्दा सेवाको खाँचो छ यहाँ ।
यहि सबै बुझेको एउटा मान्छेको
खाँचो छ यहाँ ।