हामी सबैकाे संसारन्यूज

काठमाडौँ ।  मंगलबारसम्मा नेपाल टेलिकमको प्रवन्ध निर्देशकका लागि १७ जनाले आवेदन दिएका छन् । सञ्चार मन्त्रालयले २२ जेठमा माग गरेको दरखास्तमा आवेदन दिने हिजो अन्तिम मिति थियो । आवेदन दिनेमा टेलिकमकै पूर्व प्रवन्ध निर्देशक र कर्मचारीहरू पनि रहेका छन् ।

मन्त्रालयको अनुसार आवेदन दिनेमा संगीता पहाडी अर्याल, केदारनाथ कोइराला ,विमल आचार्य, बुद्धिप्रसाद आचार्य, राजेश जोशी, अनिलकुमार झा, शालिकराम सुवेदी, प्रकाश मल्लिक, सुभाष शाह, रमेशप्रसाद जोशी,कमल लामिछाने,नगेन्द्र कुमार दास, चिन्तामणि बराल लक्ष्मण महर्जन, शालिकराम पराजुली, कृष्णप्रसाद भण्डारी, र प्रेमप्रसाद सिलवाल रहेका छन् ।

टेलिकमको प्रवन्ध निर्देशक बन्न ३५ वर्ष पूरा भएको र ५८ वर्ष उमेर ननाघेको, १२ वर्षका सरकारी स्वामित्वमा रहेको सार्वजनिक संस्थामा काम गरेको र मान्यता प्राप्त शिक्षण संस्थाबाट व्यवस्थापन, अर्थशास्त्र, मेकानिकल इन्जिनियरिङकानुन, वाणिज्य, लिकम्युनिकेसन इन्जिनियरिङ, कम्प्युटर इन्जिनियरिङ, सिभिल इन्जिनियरिङ, सूचना प्रविधि, इलेक्ट्रोनिक्स इन्जिनियरिङ, वा व्यापार प्रशासनमध्ये कुनै एक विषयमा स्नातकोत्तर गरेको हुनपर्छ ।

नेपाल टेलिकमको प्रवन्ध निर्देशकको कार्यकाल चार वर्ष रहेको हुन्छ ।