Sansar News
काठमाडौँ । द्वारिकाज होटेलकी संस्थापक अम्बिका श्रेष्ठको ९२ वर्षको उमेरमा निधन भएको छ । आन्द्रामा सङ्क्रमण देखिएपछि उनी लामो समय उपचारमा थिइन् । बिहीबार बिहान ८ बजे श्रेष्ठको ललितपुरस्थित नेपाल मेडिसिटी अस्पतालमा निधन भएको हो ।
पेटको आन्द्रामा गम्भीर सङ्क्रमण देखिएपछि उनलाई धेरै पटक अस्पताल भर्ना गरिएको थियो । आन्द्राको सङ्क्रमणसँगै पछिल्लो समय उनको स्वास्थ्यमा अन्य गम्भीर जटिलता पनि देखिएको थियो ।
पटना विश्वविद्यालयबाट वाणिज्य शास्त्रमा स्नातक उत्तीर्ण अम्बिकाले सप्तरीमा बडाहाकिम रहेका आफ्ना पति बिरामी भएपछि तीन वर्षमै उनले अमेरिकन लाइब्रेरीको आकर्षक जागिर छाडेकी थिइन् ।
पतिपत्नी मिलेर उनीहरूले मुलुककै दोस्रो ट्राभल एजेन्सी काठमाडौँ ट्राभल एन्ड टुर्स खोलेका थिए । उनीहरूले खोलेको न्युरोडको पारस होटेल नेताहरूको जक्सन थियो ।
अहिले उनकी ठुली छोरी सङ्गीताले द्वारिकाज होटेलको नेतृत्व गरेकी छन् भने कान्छी छोरी विनीता सपरिवार अमेरिकामा बस्दै आएकी छिन् ।
वि.सं.२०८१ साउन ३ बिहीवार १६:०० मा प्रकाशित
