Sansar News
काठमाडौं । स्वास्थ्य तथा जनसंख्यामन्त्री प्रदीप पौडेलले अस्पतालहरुको ओपीडी सेवा दुई सिफ्टमा सञ्चालन गर्न दिर्नेशन दिएका छन् । यद्यपी यो निर्णय मन्त्रालयका कर्मचारी र अस्पताल प्रमुखहरुसँग छलफल गरेपछि मात्र कार्यान्वयन हुने छ ।
पौडेलले अस्पातलको सेवा प्रभावकारी बनाउन थप नौ बुँदे निर्णय समेत गरेका छन् । उक्त निर्णय कार्यान्वयनमा ल्याउन मन्त्रालयले शुक्रबार नै अस्पताल र प्रतिष्ठानहरुमा परिपत्र गरेको छ ।
पत्रको पहिलो नम्बर बुँदामा सेवाग्राहीको चाप र उपलब्ध स्रोत साधनको तारतम्य मिलाई अस्पतालमा दुई सिफ्टमा ओपीडी सेवा सञ्चालन गर्ने उल्लेख छ ।
वि.सं.२०८१ साउन ६ आइतवार १२:०६ मा प्रकाशित
